多謝大家對於尋晚呢一輯咁有共鳴。
雖然我冇小朋友，
但過去十幾年教過無數中小學同兒童中心，
由band 1住半山嘅小朋友到拎綜援嘅細路，
由資優兒童到拔尖補底，
睇到太多小朋友嘅遭遇，
唔需要有預知能力，
都已經foresee 到佢地長大條路會係點，
再望吓佢地父母，
完全明晒，無需再多講半句。
每次望住佢地我都忍唔住諗，
啲所謂港爸港媽，
佢地唔係唔愛自己仔女咕喎，
點解出發點明明冇錯，
到最後係會所有嘢都錯晒，
每一代都會返轉頭怨上一代點解要咁樣迫自己，
越錫越著緊，就越係成為仔女嘅反面教材，
暗裡發誓將來做人父母唔畀仔女行返條舊路?
太多感慨，太多無奈，
於是，我同Sunny寫咗Jack哥Jack嫂同Jackson仔嘅故事，
有觀眾話好好睇呀但點解唔再寫深入啲，
我話你抬頭望吓周圍，
照吓鏡，
或者聽吓隔離鄰舍點樣晚晚教仔女做功課，
你……真係仲需要有人再講深入啲咩？
#VR驅魔人 #viutv #99台 #陳國邦 #羅敏莊 #劉小華
Search